ევროპის წამყვანი დიეჯი მაია ქეი შაბათს ბათუმის ახალ ბულვარში გასართობი პროგრამების სეზონს გახსნის.
დიჯეი საფრანგეთიდან ჰიპ-ჰოპის მოცეკვავეთა და ვოკალისტთა ჯგუფთან ერთად დღეს საღამოს აჭარის მთავრობის მოწვევით ჩამოვა. დამსვენებლებისთვის სამსაათიანი შოუ პროგრამა ამფითეატრის მიმდებარე ტერიტორიაზე ღია ცის ქვეშ გაიმართება.
როგორც "ბამბა რუმსში" დღეს გამართულ პრეს-კონფერენციაზე გახდა ცნობილი, შოუში მონაწილე მოცეკვავეები ჯექსონების ოჯახის მიერ ოფიციალურად ლიცენზირებული ჯგუფია, რომლებსაც უფლება აქვთ პოპ-მუსიკის ვარსკვლავის მაიკლ ჯექსონის ქორეოგრაფიული ნაწილი ევროპის მასშტაბით წარმოადგინონ.
საღამოზე დიჯეი მაია ქეი თავის ყველაზე პოპულარულ კომპოზიციებს შეასრულებს. კონცერტი ცეცხლოვანი წარმოდგენებითა და "ქაფი-შოუ" პროგრამით დასრულდება. |
