AdjaraTV http://site.ajaratv.ge/rss Georgian <![CDATA[10 აგვისტოს შერიფ ხიმშიაშვილის №1-ს წყლის მიწოდება შეუწყდება]]> ajaratv.ge/article/62893 http://www.adjaratv.ge/rss ორშაბათს, 10 აგვისტოს დილის 9:00 საათიდან საღამოს 19:00-მდე საათამდე სარემონტო სამუშაოების გამო, წყალმომარაგება შეუწყდება შერიფ ხიმშიაშვილის ქუჩა №1-ს.

"ბათუმის წყლის" ინფორმაციით, წყალმომარაგების მიწოდების აღდგენის შემდეგ, შესაძლოა სარემონტო სამუშაოების გამო, წყალი იყოს მცირედით ამღვრეული, რაც გამოწვეულია მილზე არსებული ჯანმრთელობისათვის უსაფრთხო მინერალების ჩამორეცხვით

]]>
Fri, 07 Aug 2020 12:59:26 +0400
<![CDATA[რუსეთს მოვუწოდებთ შეწყვიტოს პროვოკაციული მოქმედებები და ნაკისრი ვალდებულებები შეასრულოს - საგარეო]]> ajaratv.ge/article/62892 http://www.adjaratv.ge/rss საგარეო საქმეთა სამინისტრო მოუწოდებს რუსეთის ფედერაციას, შეწყვეტოს უკანონო და პროვოკაციული მოქმედებები საქართველოს წინააღმდეგ, შეასრულოს ევროკავშირის წინაშე 2008 წლის 12 აგვისტოს ცეცხლის შეწყვეტის შეთანხმებით ნაკისრი ვალდებულებები, გაიყვანოს ჯარები საქართველოს ტერიტორიიდან და შეცვალოს ოკუპირებული ტერიტორიების ე.წ. დამოუკიდებლობის აღიარების შესახებ უკანონო გადაწყვეტილება - ამის შესახებ განცხადებას საგარეო უწყება ავრცელებს.

მათივე შეფასებით, რუსეთის ფედერაცია არ წყვეტს პროვოკაციულ ქმედებებს და აქტიურად იყენებს ჰიბრიდული ომის ინსტრუმენტებს საქართველოს წინააღმდეგ.

''12 წელი სრულდება 2008 წლის აგვისტოში საქართველოს წინააღმდეგ რუსეთის ფართომასშტაბიანი სამხედრო აგრესიის წამოწყებისა და საქართველოს განუყოფელი რეგიონების - აფხაზეთისა და ცხინვალის რეგიონის/სამხრეთ ოსეთის უკანონო ოკუპაციის შემდეგ. ევროპაში სუვერენული საზღვრების ძალისმიერი გზით ცვლილების ეს უკანონო მცდელობა  წარმოადგენდა საერთაშორისო სამართლის ფუნდამენტური ნორმებისა და პრინციპების უხეშ დარღვევას, რამაც სერიოზულად დააზიანა წესებზე დაფუძნებული საერთაშორისო სისტემა და საფრთხე შეუქმნა მთელი ევროპის უსაფრთხოებას.
 
აგვისტოს ომიდან 12 წლის თავზე, რუსეთის ფედერაცია კვლავაც უარს ამბობს, შეასრულოს 2008 წლის 12 აგვისტოს ევროკავშირის შუამავლობით დადებული ცეცხლის შეწყვეტის შეთანხმება და გაიყვანოს საოკუპაციო ჯარები საქართველოს ტერიტორიიდან. მეტიც, რუსეთის ფედერაცია კიდევ უფრო აძლიერებს საქართველოს ოკუპირებული რეგიონების უკანონო მილიტარიზაციას და დგამს ნაბიჯებს მათი ფაქტობრივი ანექსიისაკენ. შემაშფოთებელია, რომ ყოველდღიური ხასიათი მიიღო საოკუპაციო ხაზის მავთულხლართებითა და სხვადასხვა ხელოვნური ბარიერებით გამაგრებამ, რასაც თან ახლავს ადგილობრივ მაცხოვრებელთა უკანონო დაკავებები და გატაცებები.
 
მაშინაც კი, როცა მთელი მსოფლიო კორონავირუსის (COVID-19) პანდემიის ნეგატიურ შედეგებს ებრძვის, რუსეთის ფედერაცია არ წყვეტს თავის პროვოკაციულ ქმედებებს და აქტიურად იყენებს ჰიბრიდული ომის ინსტრუმენტებს საქართველოს წინააღმდეგ. შეშფოთებას იწვევს, რომ მოსკოვის დეზინფორმაციული შეტევების ობიექტი ლუგარის სახელობის საქართველოს ჯანდაცვის ლაბორატორიასთან ერთად, ევროკავშირის სადამკვირვებლო მისიაც კი გახდა. მეტიც, გლობალური მასშტაბით ცეცხლის შეწყვეტის თაობაზე გაეროს გენერალური მდივნის მოწოდების ფონზე საოკუპაციო ძალები ადგილობრივი მშვიდობიანი მოსახლის - ზაზა გახელაძის დაჭრასაც არ მოერიდნენ, რომელიც დღემდე მათ უკანონო პატიმრობაში რჩება.
 
საქართველოს აფხაზეთისა და ცხინვალის რეგიონებში ადამიანის ფუნდამენტური უფლებების უხეში შელახვა, ეთნიკური დისკრიმინაცია და ასობით ათასი იძულებით გადაადგილებული პირისა და ლტოლვილის საკუთარ სახლში დაბრუნების უფლების დარღვევა კვლავაც რჩება რუსეთის უკანონო ოკუპაციის მძიმე ჰუმანიტარულ ტვირთად. დ.ბაშარულის, გ.ოთხოზორიასა და ა.ტატუნაშვილის სიცოცხლის ხელყოფის საქმეებზე დაუსჯელობის წახალისება კი კიდევ უფრო ზრდის ეთნიკურ ნიადაგზე ძალადობის საფრთხეს. ამ ფონზე კიდევ უფრო შემაშფოთებელია, რომ საოკუპაციო ძალა დღემდე აბრკოლებს ადგილზე  ადამიანის უფლებათა დაცვის საერთაშორისო ორგანიზების შეუზღუდავ წვდომას და უსაფრთხოებისა საერთაშორისო მექანიზმების განლაგებას, აგრეთვე ევროკავშირის სადამკვირვებლო მისიის შესვლას აფხაზეთისა და ცხინვალის რეგიონებში.
 
უსაფრთხოებისა და ჰუმანიტარული კუთხით არსებული უმწვავესი გამოწვევების მიუხედავად, საქართველოს მთავრობისა და ხალხის გააზრებული არჩევანია მშვიდობა და ქვეყნის მდგრადი განვითარება. საქართველო განუხრელად ახორციელებს კონფლიქტის მშვიდობიანი მოგვარების პოლიტიკას და მის ხელთ არსებული დიპლომატიური თუ სამართლებრივი ბერკეტების გამოყენებით ცდილობს ქვეყნის დეოკუპაციასა და რუსეთ-საქართველოს კონფლიქტის გადაჭრას. საქართველოს მთავრობის სამშვიდობო ძალისხმევის ნათელი მაგალითია ინიციატივის „ნაბიჯი უკეთესი მომავლისაკენ“ განხორციელება, რომელიც მიზნად ისახავს აფხაზეთისა და ცხინვალის რეგიონებში მცხოვრები ადამიანების საცხოვრებელი პირობების გაუმჯობესებასა და საოკუპაციო ხაზებით გაყოფილ მოსახლეობას შორის ნდობისა და ურთიერთობების აღდგენას.
 
საქართველო მადლიერია ქვეყნის სუვერენიტეტსა და ტერიტორიული მთლიანობისადმი საერთაშორისო თანამეგობრობის ურყევის მხარდაჭერისთვის და  დიდად აფასებს საერთაშორისო პარტნიორების წვლილს რუსეთ-საქართველოს კონფლიქტის მშვიდობიანი დარეგულირების პროცესში.
 
საგარეო საქმეთა სამინისტრო მიმართვას საერთაშორისო თანამეგობრობას, კონსოლიდირებული ძალისხმევა მიმართოს საქართველოს ტერიტორიების დეოკუპაციისა და იძულებით გადაადგილებულ პირთა და ლტოლვილთა საკუთარ სახლებში დაბრუნებისკენ და ქმედითი ნაბიჯები გადადგას საქართველოსა და აღმოსავლეთ ევროპის რეგიონში მშვიდობისა და უსაფრთოხების უზრუნველსაყოფად'' - წერია განცხადებაში. 
 

]]>
Fri, 07 Aug 2020 12:58:41 +0400
<![CDATA[12 წელი აგვისტოს ომიდან - საერთაშორისო გამოხმაურება]]> ajaratv.ge/article/62889 http://www.adjaratv.ge/rss ევროკავშირი კიდევ ერთხელ ადასტურებს მზადყოფნას, გააგრძელოს საქართველოში სტაბილიზაციის და კონფლიქტის მოგვარებაზე მიმართული ძალისხმევა.

რუსეთ-საქართველოს შორის კონფლიქტის  მე-12 წლისთავს   ევროკავშირის წარმომადგენლობა   სპეციალური განცხადებით ეხმაურება. ის ფაქტი, რომ საქართველოს ოკუპირებულ ტერიტორიებზე დღეს საომარი მოქმედებები არ მიმდინარეობს, ავტომატურად მშვიდობას არ ნიშნავს - ასეთია საგარეო საქმეთა მინისტრის გზავნილი.

დავით ზალკანიანის განცხადებით, უმოქმედობა მოსკოვის მიერ აღიქმება როგორც გარკვეული სანქცია, ამიტომ მკაფიო უნდა იყოს ევროპის პოზიცია და გზავნილი, რომ ევროპულ უსაფრთხოებაზე თავდასხმა დაუსჯელი არ დარჩება.

]]>
Fri, 07 Aug 2020 12:14:14 +0400
<![CDATA[ცვლილებები აჭარის ბიუჯეტში]]> ajaratv.ge/article/62888 http://www.adjaratv.ge/rss 11 მილიონ 600 ათასი ლარით მცირდება აჭარის ბიუჯეტი. კორექტირებული ბიუჯეტის პროექტს უმაღლესი საბჭო რამდენიმე დღეში დაამტკიცებს დღეს კი დეპუტატები საფინანსო კომიტეტის სხდომაზე აჭარის ეკონომიკის მინისტრს მოუსმენენ.

საფინანსო-საბიუჯეტო  კომიტეტის თავმჯდომარის განმარტებით კლების მიზეზი პანდემიის ფონზე შემოსავლების შემცირებაა, რაც ეკონომიკური კრიზისით და  გადასახადებისგან ბიზნესის გათავისუფლებაა.  ცვლილება შეეხება აჭარის საავტომობილო გზების დეპარტამენტს - უწყების ბიუჯეტი 8 მილიონით მცირდება, 10 მილიონით იზრდება ბიუჯეტიდან  ბათუმის მუნიციპალიტეტის დაფინანსება, ასევე 10 მილიონი დაემატა ტურიზმის დეპარტამენტს, ძირითადად საკარანტინე სივრცეების უზრუნველსაყოფად.

]]>
Fri, 07 Aug 2020 12:12:40 +0400
<![CDATA[ქეთი მელუა აჭარაში ვიდეოკლიპებს იღებს]]> ajaratv.ge/article/62887 http://www.adjaratv.ge/rss ქეთი მელუა აჭარაში ვიდეოკლიპებს იღებს. პოპულარული ქართველი მომღერლის ახალი სიმღერებისთვის ვიდეოგადაღებები ბათუმის ბოტანიკურ ბაღში, ბათუმის ბულვარში, სარფისა და ციხისძირის სანაპირო ზოლსა და სოფელ მერისში ხუთი დღის განმავლობაში აქტიურად მიმდინარეობს. ეს პირველი შემთხვევაა, როცა აჭარის ბუნების მრავალფეროვნებას, მთისა და ზღვის ერთობლიობას მსოფლიო მასშტაბით მომღერლის მილიონობით თაყვანისმცემელი ახალი ვიდეორგოლით გაეცნობა.

გადაღებებისთვის მიმზიდველი ტურისტული ადგილების შერჩევასა და პროექტის განხორციელებაში აქტიურადაა ჩართული აჭარის ტურიზმის დეპარტამენტი. ვიდეოგადაღებები რეგიონში დღეს სრულდება. ქართველი მომღერლის აჭარაში გადაღებულ ვიდეორგოლებს, რომელიც მერვე ალბომის ორი სიმღერისთვის იქმნება მაყურებელი ეკრანებზე უკვე შემოდგომაზე იხილავს.

]]>
Fri, 07 Aug 2020 12:03:08 +0400
<![CDATA[ჩვენ გვახსოვს უკანონო „ბორდერიზაციის“ შედეგად გახლეჩილი ოჯახები - აშშ-ს საელჩო აგვისტოს ომზე]]> ajaratv.ge/article/62886 http://www.adjaratv.ge/rss რუსეთ-საქართველოს ომიდან 12 წლისთავთან დაკავშირებით ამერიკის შეერთებული შტატების საელჩო განცხადებას ავრცელებს. 

''რუსეთმა უნდა გაიყვანოს თავისი ძალები კონფლიქტის დაწყებამდე არსებულ პოზიციებზე და უზრუნველყოს ჰუმანიტარულ დახმარებაზე შეუფერხებელი წვდომა. ასევე ჩვენ მოვუწოდებთ რუსეთს, უკან წაიღოს აფხაზეთისა და სამხრეთ ოსეთის ე.წ. დამოუკიდებლობის აღიარება'' - წერია ამერიკის საელჩოს მიერ გამოქვეყნებულ განცხადებაში. 

''თორმეტი წელი გავიდა მას შემდეგ, რაც რუსეთი საქართველოს აფხაზეთისა და სამხრეთ ოსეთის რეგიონებში შეიჭრა. 7 აგვისტო მწუხარებით გვახსენებს რუსეთის ოკუპაციის შედეგად დაზარებულ ათასობით ადამიანს, რომლებიც კვლავაც განსაცდელში რჩებიან. დღეს ვიხსენებთ იმ ადამიანებს, რომლებსაც თავიანთი სახლების დატოვება და დევნილობა აიძულეს. ჩვენ ვიხსენებთ უდანაშაულო, მშვიდობიან მოქალაქეებს, რომლებიც დაიღუპნენ იმის გამო, რომ დე ფაქტო ხელისუფლებამ ადმინისტრაციული გამყოფი ხაზი ჩაკეტა და არ მისცა მათ გადაუდებელი სამედიცინო დახმარების მიღების უფლება.

ჩვენ გვახსოვს უკანონო „ბორდერიზაციის“ შედეგად გახლეჩილი ოჯახები და დაკარგული საარსებო წყარო. მაშინ, როდესაც მთელი მსოფლიო კოვიდ 19-ით გამოწვეულ ზიანთან გამკლავებას ცდილობს, საქართველო, ამავდროულად, ზარალდება სავაჭრო ურთიერთობების დაკარგვით იმ მოქალაქეებს შორის, რომლებიც ახლა ერთმანეთს თვითნებურად დადგენილი გამყოფი ხაზებით არიან მოწყვეტილი, ეს კი ქვეყნის ეკონომიკური აღდგენის პროცესს კიდევ უფრო აბრკოლებს.

გასულ წელს, ჩვენ, ასევე, ვიხილეთ რუსეთის მიერ მართული მასშტაბური შემოჭრა და ჩორჩანა-წნელისის მიმდებარედ დამატებით ასობით მეტრი ტერიტორიის გაკონტროლების მცდელობა. რუსეთი კვლავ არღვევს 2008 წლის ცეცხლის შეწყვეტის შეთანხმებას, რუსი „მესაზღვრეები“ აკავებენ მშვიდობიან მოქალაქეებს და ახორციელებენ ძალადობრივ ქმედებებს ადმინისტრაციულ გამყოფ ხაზზე, ბოლო პერიოდში საქართველოს მოქალაქის მიმართ გასროლის ფაქტის ჩათვლით. რუსეთის მიერ მართული უსაფრთხოების ძალები აგრძელებენ ქართული ტერიტორიების თანდათანობით მიტაცებას და ცდილობენ ოკუპირებული ტერიტორიების თითოეული მეტრით გაფართოებას.

2008 წლის შეთანხმების ფარგლებში რუსეთის მიერ ნაკისრი ვალდებულებები მკაფიოა: რუსეთმა უნდა გაიყვანოს თავისი ძალები კონფლიქტის დაწყებამდე არსებულ პოზიციებზე და უზრუნველყოს ჰუმანიტარულ დახმარებაზე შუფერხებელი წვდომა. გარდა ამისა, ჩვენ მოვუწოდებთ რუსეთს, უკან წაიღოს აფხაზეთისა და სამხრეთ ოსეთის ე.წ. დამოუკიდებლობის აღიარება. არსებითად მნიშვნელოვანია, რომ ასი ათასობით დევნილმა და ლტოლვილმა შეძლოს საკუთარ სახლში უსაფრთხოდ და ღირსეულად დაბრუნება. ამერიკის შეერთებული შტატების ერთგულება ქართველი მეგობრებისა და პარტნიორების მიმართ ურყევია. ჩვენ ქართველი ხალხის გვერდით ვდგავართ და მათთან ერთად მოვუწოდებთ რუსული აგრესიის შედეგად გაყოფილ საზოგადოებებს კვლავ გაერთიანებისკენ'' - წერია განცხადებაში. 

]]>
Fri, 07 Aug 2020 11:53:35 +0400
<![CDATA[აჭარაში კიდევ 2 პაციენტი გამოჯანმრთელდა]]> ajaratv.ge/article/62885 http://www.adjaratv.ge/rss კორონავირუსის 7 ახალი შემთხვევიდან 1 იმპორტირებულია, 5 დადასტურებულ შემთხვევათა კონტაქტი, 1-ის წყარო ჯერჯერობით უცნობია. მარინა ეზუგბაიას თქმით, აგვისტოს თვეში გამოჯანმრთელებულების რაოდენობა ახალ შემთხვევებზე მეტია.

ამ დროისთვის   საქართველოში კორონავირუსის დადასტურებული 1213  შემთხვევაა. რაც შეეხება აჭარას, ,,კოვიდ 19“-ის  ახალი შემთხვევა  ბოლო 24 საათში არ დაფიქსირებულა. გამოჯანმრთელდა  2 პაციენტი. 

]]>
Fri, 07 Aug 2020 10:53:49 +0400
<![CDATA[თავდაცვის მზადყოფნის პროგრამის წინამოსამზადებელი წვრთნები]]> ajaratv.ge/article/62884 http://www.adjaratv.ge/rss თავდაცვის ძალების I ქვეითი ბრიგადის მე-11 ბატალიონის ასეული საქართველოს თავდაცვის მზადყოფნის პროგრამის წინამოსამზადებელ წვრთნებს გადის.   

სამხედრო მოსამსახურეებმა ვაზიანის სასროლეთზე საბრძოლო სროლები განახორციელეს. საქართველოს თავდაცვის მზადყოფნის პროგრამა თავდაცვის სამინისტროსა და ამერიკის შეერთებული შტატების თავდაცვის დეპარტამენტის ერთობლივი ღონისძიებაა. მისი  მიზანი თავდაცვის ძალების საბრძოლო ქვედანაყოფების მზადყოფნის დონის ამაღლებაა. 

]]>
Fri, 07 Aug 2020 10:53:12 +0400
<![CDATA[ბეირუთში დაღუპულთა რიცხვი იზრდება]]> ajaratv.ge/article/62883 http://www.adjaratv.ge/rss 149-მდე ადამიანის სიცოცხლე ემსხვერპლა ბეირუთში  მომხდარ აფეთქებას. ლიბანური მედიის ინფორმაციით, 5 000-ზე მეტი ადამიანია დაშავებული.

ლიბანის სამართალდამცველებმა გამოძიების ფარგლებში პორტის 16 თანამშრომელი დააკავეს.  მათ  აქტივები გაუყინეს. პარალელურად, მთავრობის მოქმედებით უკმაყოფილო მოქალაქეებმა ბეირუთში საპროტესტო აქცია გამართეს.  

]]>
Fri, 07 Aug 2020 10:52:49 +0400
<![CDATA[„ევროპული სქართველოს“ წევრებმა აგვისტოს ომის დროს დაღუპულების ხსოვნას პატივი მიაგეს]]> ajaratv.ge/article/62881 http://www.adjaratv.ge/rss რუსული აგრესიის შედეგად დაღუპული ჯარისკაცების ხსოვნას პატივი მიაგეს  „ევროპული სქართველოს“ წევრებმა. მუხათგვერდის ძმათა სასაფლაოზე   პარტიის წევრებმა მემორიალი ყვავილებით შეამკეს.

]]>
Fri, 07 Aug 2020 10:52:00 +0400
<![CDATA[''ნამდვილი თუ მოგონილი'' - კონკურსი]]> ajaratv.ge/article/62890 http://www.adjaratv.ge/rss „ნამდვილი თუ მოგონილი?!“ – კონკურსის  გამარჯვებულების დაჯილდოვების ცერემონიალი გაიმართა. ეპიდსიტუაციის გამო  ღონისძიებას მხოლოდ ჟიურის წევრები და კონკურსის გამარჯვებულები ესწრებოდნენ, რომლებმაც საკუთარი ნაშრომები თავად წარადგინეს.

ჟიურიმ სამი გამარჯვებული გამოავლინა, კონკურსის ერთ-ერთ მონაწილეს კი, სპეციალური პრიზი გადაეცა. კონკურსის მიზანი მოზარდებში მედიაწიგნიერების, კრიტიკული აზროვნების, ანალიზისა და ფაქტების გადამოწმების უნარების განვითარებაა.

]]>
Fri, 07 Aug 2020 10:21:47 +0400
<![CDATA[ყალბი საგადასახადო დოკუმენტების ჯგუფურად დამზადება-გამოყენების ბრალდებით 3 პირი დააკავეს]]> ajaratv.ge/article/62880 http://www.adjaratv.ge/rss საგამოძიებო სამსახურის თანამშრომლებმა ყალბი საგადასახადო დოკუმენტების ჯგუფურად დამზადება-გამოყენების ბრალდებით 3 პირი დააკავეს.

გამოძიებით დადგინდა, რომ ბრალდებულებმა, რომლებიც იყვნენ სხვადასხვა კომპანიის ხელმძღვანელები, უკანონო მატერიალური სარგებლის მიღების მიზნით, 2019 წლის აპრილში, ყალბი საგადასახადო დოკუმენტების გამოყენებით ურთიერთშორის განახორციელეს 40 მილიონ ლარზე მეტი ღირებულების საქონლის მიწოდების ფიქტიური ოპერაციები, რითაც შექმნეს დაახლოებით 6 200 000 ლარის ოდენობის ყალბი აქტივი.

გატარებული ათეულობით საგამოძიებო მოქმედების შედეგად, დროულად იქნა აღკვეთილი აღნიშნული დანაშაულებრივი ქმედება, რის გამოც, ბრალდებულებმა ხსენებული თანხიდან მოახერხეს მხოლოდ 98 905 ლარის ოდენობის აქტივის გამოყენება, რითაც ბიუჯეტზე აცილებულ იქნა უფრო დიდი ოდენობის ზიანის მიყენების შესაძლებლობა.

საგამოძიებო სამსახურის თანამშრომლების მიერ გრძელდება შესაბამისი ღონისძიებები აღნიშნულ დანაშაულში შემჩნეული სხვა პირების დადგენა-მხილების მიზნით.

გამოძიება მიმდინარეობს საქართველოს სისხლის სამართლის კოდექსის 210-ე მუხლის მე-2 ნაწილით, რაც სასჯელის სახით ითვალისწინებს თავისუფლების აღკვეთას 4-დან 7-წლამდე ვადით.

]]>
Fri, 07 Aug 2020 10:14:27 +0400