ოკუპანტის იერიშს კიდევ 11 მშვიდობიანი მოქალაქის სიცოცხლე ემსხვერპლა

27 იანვარი 2023, 11:15 460 ნახვა

უკრაინაში ომის მე-12 თვე დაიწყო. გასული დღე ღამის განმავლობაში ოკუპანტის იერიშს კიდევ 11 ადამიანის სიცოცხლე ემსხვერპლა. უკრაინის საგანგებო სიტუაციების სამსახურის ინფორმაციით, ბოლო 24 საათში 11 ადამიანი დაშავდა, დაბომბვების შედეგების ლიკვიდაციაში კი 100-ზე მეტი მაშველია ჩართული. მათი თქმით, ყველაზე მეტი შენობა კიევის ოლქშია დაზიანებული.

უკრაინის შეიარაღებული ძალების ინფორმაციით, გასული დღე- ღამის განმავლობაში მტერმა 37 საჰაერო დარტყმა განახორციელა, მათ შორის იყო „შაჰედ-136“ ტიპის უპილოტო საფრენი აპარატებიც, უკრაინულმა მხარემ ყველა მათგანი ჩამოაგდო. კუპიანსკის მიმართულებით მტერმა იერიში მიიტანა ლოზოვას დასახლებაზე. ზაპოროჟიეს რეგიონში დაზარალდა კიდევ 20-ზე მეტი დასახლება.

დაიბომბა ხერსონი და გარეუბნები. უკრაინის პრეზიდენტის განცხადებით, რუსეთის მიერ განხორციელებული მასირებული იერიში კიდევ ერთი მაგალითია იმისა, რომ უკრაინას ადეკვატური იარაღი სჭირდება, მისი თქმით, მტერს მხოლოდ იარაღი ანეიტრალებს.

ანა ვაშაყმაძე
ჟურნალისტი

ამავე კატეგორიაში