ჰოლივუდის მსახიობს არაგანზრახ მკვლელობისთვის ბრალი წაუყენეს

01 თებერვალი 2023, 10:01 326 ნახვა

ჰოლივუდის ცნობილ მსახიობ ალეკ ბოლდუინს ოფიციალურად წაუყენეს ბრალი ფილმის გადაღებისას ოპერატორ ჰალინა ჰატჩინსის წინასწარი განზრახვის გარეშე მკვლელობისთვის.

პროკურორმა ანალოგიური ბრალი წაუყენა გადამღები ჯგუფის წევრ ჰანა გუტიერეშ-რიდს, რომელიც პასუხისმგებელი იყო რეკვიზიტად გამოყენებული იარაღის უსაფრთხოებაზე.

გამოძიების თანახმად, ორივე ბრალდებულმა არაერთხელ დაარღვია უსაფრთხოების სტანდარტები. ტრაგედია 2021 წლის ოქტომბერში მოხდა ფილმ რასტის ერთ-ერთი სცენის გადაღების დროს.

რევოლვერი „კოლტი“, რომლითაც მსახიობმა ალეკ ბოლდუინმა ისროლა, საბრძოლო ტყვიით დატენილი აღმოჩნდა და ოპერატორის სიცოცხლე იმსხვერპლა.

გუგული ბერიძე
ჟურნალისტი

ამავე კატეგორიაში

#უსმინეთ!

#უყურეთ!

ამინდი