ყირგიზეთის პრეზიდენტი გადადგა

15 ოქტომბერი 2020, 18:35 1386 ნახვა

ყირგიზეთის პრეზიდენტმა, სოორონბაი ჟეენბეკოვმა ქვეყანაში მიმდინარე საპროტესტო გამოსვლების ფონზე, გადადგომის შესახებ განაცხადა. ჟეენბეკოვმა საკუთარი გადაწყვეტილება ქვეყანაში სისხლისღვრის თავიდან აცილების სურვილით ახსნა. გადამდგარმა პრეზიდენტმა ყირგიზეთის ახალ პრემიერ-მინისტრს სადირ ჟაპაროვს და სხვა პოლიტიკოსებს მოუწოდა, ბიშკეკის ქუჩებიდან თავიანთი მომხრები გაიყვანონ და ადგილობრივების ცხოვრება ჩვეულ რიტმში დააბრუნონ.

ყირგიზეთში საპროტესტო აქციები 4 ოქტომბერს გამართული საპარლამენტო არჩევნების შემდეგ დაიწყო, სადაც ოფიციალური შედეგებით მმართველმა პარტიამ გაიმარჯვა. მოგვიანებით, ყირგიზეთის ცენტრალურმა საარჩევნო კომისიამ არჩევნების შედეგები ბათილად გამოაცხადა, პრემიერ-მინისტრმა კი თანამდებობა დატოვა.

გუგული ბერიძე
ჟურნალისტი

ამავე კატეგორიაში