საგანგაშო კოვიდვითარება

13 ნოემბერი 2021, 15:15 769 ნახვა

დაავადებათა ეროვნული ცენტრის ხელმძღვანელი მოქალაქეებს კვლავ ვაქცინაციის პროცესში ჩართვისაკენ მოუწოდებს, ამირან გამყრელიძე ვაქცინაციის მარათონის გაფართოების აუცილებლობაზე საუბრობს და განმარტავს რომ ამ დროისთვის 38 სოფელში გაიმართა მარათონი და დამატებით 4 ათასამდე მოქალაქე აიცრა. გამყრელიძე მარათონში კიდევ ათ დიდ ქალაქის ჩართვის გეგმაზე საუბრობს, ასევე სამომავლოდ იგეგმება აჭარაში , თბილისში და რაჭა ლეჩხუმში მოქალაქეების 60 პროცენტის ვაქცინაცია.

აჭარაში მიმდინარე კვირის განმავლობაში კორონავირუსის გავრცელების გამო სრულად დისტანციურ სწავლებაზე იმყოფება 5 საჯარო სკოლა და 116 კლასი. რაც შეეხება არასრულწლოვნების ვაქცინაციას, ამ ეტაპზე აჭარაში 12-15 წლამდე ასაკის მოზარდების კოვიდ საწინააღმდეგო ვაქცინით აცრა არ დაწყებულა.კორონავირუსის ახალი შემთხვევების და გარდაცვალების რაოდენობა კი კვლავ მაღალია.

სოფიკო შავაძე

ჟურნალისტი