''ბათუმმა'' ზურაბ საკანდელიძისა და მიხეილ ქორქიას ტურნირი გამარჯვებით დაიწყო

21 იანვარი 2022, 14:15 1200 ნახვა

ბათუმის საკალათბურთო კლუბმა  ზურაბ საკანდელიძისა და მიხეილ ქორქიას მემორიალური ტურნირის ჯგუფური ეტაპი გამარჯვებით დაიწყო.

თბილისის ოლიმპიურ სასახლეში მიმდინარე ტურნირის პირველ ტურში ''ბათუმმა'' 43 ქულიანი სხვაობით 104-61 ''მგზავრები'' დაამარცხა.

გამორჩეული მატჩი ჩაატარა ბათუმელთა კალათბურთელმა ბექა ბექაურმა. მის ანგარიშზე არასრულ 26 წუთში 21 ქულა, 8 მოხსნა და 3 გადაცემა  იყო.

20 წუთში 20 ქულა , 6 მოხსნა და 3 გადაცემა ლევან ელიაძემ მიითვალა.
ამ დროისთვის ''დ'' ჯგუფს 2 ქულით სწორედ ''ბათუმი'' ლიდერობს.

ჯგუფში მომდევნო შეხვედრა შავიზღვისპირელებს ხვალ 22 იანვარს  დღის 12:00 საათზე ''ოლიმპთან'' ელოდება.

ამ შეხვედრაში გამარჯვების შემთხვევაში ''ბათუმი'' ნახევარფინალში გასვლას მოახერხებს.

სეო წილოსანი
სპორტული ჟურნალისტი

ამავე კატეგორიაში