საქართველოს ფუტსალის ნაკრებმა ევრო 2022-ზე მეორე შეხვედრაც მოიგო

26 იანვარი 2022, 22:43 1085 ნახვა

საქართველოს ფუტსალის ეროვნულმა ნაკრებმა სადებიუტო ევროპის ჩემპონატზე მეორე შეხვედრაც მოიგო და მეოთხედფინალში გასასვლელად დიდი ნაბიჯი გადადგა.

საქართველოს ნაკრებმა ევრო 2022-ის მეორე ტურში ბოსნია-ჰერცეგოვინას ეროვნული ნაკრები 2-1 დაამარცხა.

მე-7 წუთზე ანგარიში კაჰვეჯიჩი გახსნა და ბოსნია-ჰერცეგოვნა დააწინაურა. პირველი ტაიმი მეტოქემ მინიმალური სხვაობით 1-0 მოიგო.

მეორე ნახევარში 25-ე წუთზე ბოსნიელთა შეცდომის შედეგად ანგარიში თალესმა გაათანაბრა. 3 წუთში კი კარგად გათამაშებული კომბინაციის შემდეგ ბრუნო პეტრიმ საქართველოს ნაკრებს მნიშვნელოვანი გამარჯვება მოუტანა.

ორი ჩატარებული შეხვდრის შემდეგ ავთანდილ ასათიანის გუნდი 6 ქულას აგროვებს და ცხრილის სათავეში იმყოფება.

დღეს 23:30 საათზე ჩვენი ჯგუფის ერთი თამაში გაიმართება, სადაც ესპანეთი აზერბაიჯანის ნაკრებს დაუპირისპირდება. თუ ამ მატჩში ესპანელები არ წააგებენ საქართველოს ნაკრები შემდეგ ეტაპზე გავა.

მესამე ტურში საქართველო 29 იანვარს ესპანეთის ნაკრებს დაუპირისპირდება.

სეო წილოსანი
სპორტული ჟურნალისტი

ამავე კატეგორიაში

#უსმინეთ!

#უყურეთ!

ამინდი