რიგები საქართველო-რუსეთის საზღვარზე

22 სექტემბერი 2022, 17:47 654 ნახვა

რუსეთში ნაწილობრივი მობილიზაციის გამოცხადების შემდეგ  ზემო ლარსის საზღვრო-გამშვებ პუნქტს რუსეთ-საქართველოს საზღვრის გადაკვეთის უამრავი მსურველი მიაწყდა.

სასაზღვრო გადასასვლელზე ავტომანქანების გრძელი რიგია, ამიტომ მათ მცირე ჯგუფებად უშვებენ. ტრანსპორტმა იმატა რუსეთ-ფინეთის სასაზღვრო გადასასვლელებზეც. მიზეზად მოსკოვიდან ავიაბილეთების ფასების კატასტროფული გაძვირებაა.

სოციალურ მედიაში  ვრცელდება  რჩევები, თუ როგორ შეიძლება   რუსეთის დატოვება,  ერთ-ერთ  საიტზე იმ ქვეყნების ჩამონათვალიც გამოქვეყნდა, სადაც რუსეთის მოქალაქეებს უპრობლემოდ შეუძლიათ გამგზავრება. 

რუსეთის ხელისუფლების განცხადებით,  მოქალაქეების  70%-ზე მეტი მხარს უჭერს იმას, რასაც კრემლი უწოდებს "სპეციალურ სამხედრო ოპერაციას", თუმცა ივლისში გამოქვეყნებულმა გამოკითხვებმა აჩვენა, რომ თანაბარია იმ რესპოდენტთა რიცხვი,  ვისაც ბრძოლის შეჩერება ან გაგრძელება სურს.

აჭარის საზოგადოებრივი მაუწყებელი
ადმინისტრატორი

ამავე კატეგორიაში