საფეხბურთო კლუბმა ''გონიომ'' საქართველოს მეოთხე ლიგის საგზური მოიპოვა

28 ნოემბერი 2022, 16:46 1129 ნახვა

საფეხბურთო კლუბმა ''გონიომ'' მეოთხე ლიგის საგზური მოიპოვა. მეოთხე ლიგაში გადასასვლელ ფლეიოფში ''გონიო'' ბათუმში ჯონი ბაკურიძის სახელობის ანგისას საფეხბურთო ბაზაზე თბილისის ''გლდანს'' დაუპირისპირდა და 2-0 დაამარცხა.

შეხვედრაში მე-13 წუთზე საბა შალიკაშვილმა ანგარიში გახსნა. ტაიმის მიწურულს კი სხვაობა ორამდე ბეთა ხუბუას გადაცემით ბაჩანა მჭედიამ გაზარდა. მეორე ნახევარში შავიზღვისპირელები უპირატესობას ფლობდნენ და გოლის გატანაც შეეძლოთ.

საბოლოო ჯამში ''გონიომ'' ეს დაპირისპირება 2-0 მოიგო და ისტორიაში პირველად საქართველოს მეოთხე ლიგაში იასპარეზებს.

შეგახსენებთ, რომ ''გონიომ'' წლევანდელი რეგიონული ლიგის ''გ'' ჯგუფში 48 ქულით მეორე ადგილი დაიკავა და ფლეიოფში ასპარეზობის უფლება მოიპოვა.

სეო წილოსანი

სპორტული ჟურნალისტი