თად მაკფადენმა "მურსიას“ სტუმრად მოაგებინა

22 იანვარი 2023, 09:59 205 ნახვა

ესპანეთის ლიგა ენდესას მე-17 ტურში თად მაკფადენის და რატი ანდრონიკაშვილის „მურსია“ სტუმრად „ფუენლაბრადას“ დაუპირისპირდა  და 88:72 დაამარცხა. 

თად მაკფადენმა ბრწყინვალე მატჩში ჩაატარა და „მურსიას“ წარმატებაში დიდი წვლილი შეიტანა. საქართველოს ნაკრების კალათბურთელმა მოედანზე 18:15 წუთი გაატარა, და ამ დროის განმავლობაში 20 ქულა, 3 შედეგიანი გადაცემა და 1 მოხსნა მიითვალა.

მისი მარგი ქმედების კოეფიციენტი კი 15-ს გაუტოლდა და ამ მაჩვენებლით  მაკფადენი მურსიას რიგებში საუკეთესო იყო. რაც შეეხება რატი ანდრონიკაშვილს ის განაცხადში კვლავ არ ყოფილა. 

ამ გამარჯვების შემდეგ, „მურსიამ“ ესპანეთის საკალათბურთო ჩემპიონატში 16 ქულა დააგროვა და მე-12 პოზიციაზე იმყოფება.

მომდევნო მატჩს „მურსია“ 24 იანვარს, ჩემპიონთა ლიგაზე სტუმრად  გიორგი შერმადინის „ტენერიფეს“ წინააღმდეგ გამართავს.

29 იანვარს კი უკვე ლიგა ენდესაში შინ „ბასკონიას“ წინააღმდეგ ითამაშებს.

ზურა დიასამიძე
სპორტული ჟურნალისტი

ამავე კატეგორიაში