გელაურში სტიქიის დროს დაზიანებული ხიდის აღდგენას ითხოვენ

23 ოქტომბერი 2023, 11:03 642 ნახვა

ქობულეთში, გელაურის დასახლებაში სტიქიის შედეგად დაზიანებული ხიდის აღდგენას და რეაბილიტაციას ითხოვენ. ადგილობრივები ამბობენ, რომ ხიდი მწყობრიდან იყო გამოსული, თუმცა სტიქიამ უფრო დააზიანა და მასზე გადაადგილება საფრთხის შემცველია.

ქობულეთის მერიაში გვითხრეს, რომ ხიდის რეაბილიტაცია საავტომობილო გზების დეპარტამენტის პრეროგატივაა და მის შესასწავლად უწყებას უკვე მიმართეს. შესაბამის სამსახურში აცხადებენ, რომ საკითხის შესწავლა მიმდინარეობს.

ჯერ-ჯერობით უცნობია როდის დაიწყება ხიდის სარეაბილიტაციო სამუშაოები.

ლევან ურიდია

ჟურნალისტი