საქართველოში სარკინიგზო მიმოსვლა 15 ივნისიდან განახლდება
08 ივნისი 2020, 15:19 1435 ნახვა
საქართველოს რკინიგზა მგზავრთა გადაყვანას 15 ივნისიდან განაახლებს. რკინიგზაში ამბობენ, რომ კომპანია მგზავრებს ჯანდაცვის სამინისტროს მიერ დაწესებული რეგულაციების დაცვით გადაიყვანს.
მგზავრები გაივლიან თერმოსკრინინგს, ასევე მათ უნდა დაიცვან სოციალური დისტანცია. ვაგონში შესვლისთანავე უნდა გაიარონ დეზობარიერი. ხელები უნდა დაიმუშაონ დისპენსერებში არსებული სადეზინფექციო ხსნარებით.
რკინიგზაში ამბობენ, რომ მატარებელში არ დაიშვებიან პირბადეების გარეშე მგზავრები. მგზავრობის პროცესში მათ არ აქვთ პირბადის მოხსნის უფლება.
რკინიგზაში განმარტავენ, რომ კარანტინის პერიოდში კომპანია სრულად ითვალისწინებდა და იცავდა კოვიდ-19 თან დაკავშირებულ ყველა რეკომენდაციას.
''დღეს მატარებლის ვაგონები ჯანდაცვის სამინისტროს წარმომადგენლებმა დაათვალიერეს და განმარტეს, რომ საქართველოს რკინიგზა ყველა რეგულაციას ზედმიწევნით ასრულებს და მზად არის აღადგინოს მგზავრთა გადაყვანა'' - აცხადებენ კომპანიაში.
ამავე კატეგორიაში
#უსმინეთ!
#უყურეთ!
პოპულარული
ამინდი
მაუწყებლობა