ბათუმის საკალათბურთო კლუბმა ნახევარფინალის პირველი მატჩი დრამატულად წააგო

13 მაისი 2022, 20:41 1920 ნახვა

ბათუმის საკალათბურთო კლუბმა ''სუპერლიგის'' ნახევარფინალური სერიის პირველი შეხვედრა დათმო. 

ქუთაისის სპორტის სასახლეში გამართული დრამატული მატჩი ბუბა ბერიშვილის გუნდმა ''ქუთაისსთან'' ოვერტაიმში 91-85 წააგო.

სერიის პირველი დაპირისპირების ძირითადი დრო ფრედ 76-76 დასრულდა.

დამატებულ დროში კი უკეთესი მასპინძელი აღმოჩნდა. 

ბათუმელთა რიგებიდან კაილი რიდლიმ 26 ქულა, 8 მოხსნა და 1 გადაცემა მიითვალა.

დე ანჯელო სტიუარტის ანგარიშზე კი 10 ქულა, 5 მოხსნა, 6 გადაცემა და 2 დაფარება იყო.

ხვალ 14 მაისს 18:00 საათზე სერიის მეორე მატჩი ისევ  ქუთაისში გაიმართება. 

17 მაისს კი უკვე ბათუმი უმასპინძლებს სერიის მესამე დაპირისპირებას. ეს მატჩიც 18:00 საათზე არის ჩანიშნული.

დებულების თანახმად საჭიროების შემთხვევაში სერიაში  დამატებითი  მატჩები დაინიშნება, თუ კი ერთ-ერთ გუნდს 3 მოგება არ დაუგროვდება.

სეო წილოსანი
სპორტული ჟურნალისტი

ამავე კატეგორიაში