ენტონი ბლინკენი საუდის არაბეთში ჩავიდა

29 აპრილი 2024, 09:40 218 ნახვა

აშშ-ის სახელმწიფო მდივანი ენტონი ბლინკენი ახლო აღმოსავლეთის ქვეყნებში ტურნეს საუდის არაბეთიდან იწყებს. ბლინკენი შეხვდება არაბ პარტნიორებს და განიხილავს ღაზაში არსებულ მდგომარეობას და მის მომავალ ბედს, ასევე ისრაელის პრემიერ-მინისტრ ბენიამინ ნეთანიაჰუზე ზეწოლას კონკრეტული ნაბიჯების მისაღწევად, რომელიც აშშ-ის პრეზიდენტმა მოითხოვა ღაზაში მძიმე ჰუმანიტარული მდგომარეობის გასაუმჯობესებლად.

რიადში ბლინკენი შეხვდება საუდის არაბეთის ლიდერებს და გამართავს მოლაპარაკებებს ხუთი არაბული სახელმწიფოს - კატარის, ეგვიპტის, საუდის არაბეთის, არაბეთის გაერთიანებული საემიროებისა და იორდანიის საგარეო საქმეთა მინისტრებთან ღაზის სექტორის მომავლის შესახებ.

ბლინკენი ასევე დაესწრება სპარსეთის ყურის თანამშრომლობის საბჭოს მინისტრთა შეხვედრას, რათა გააძლიეროს კოორდინაცია რეგიონულ უსაფრთხოების საკითხებზე.

გუგული ბერიძე

ჟურნალისტი