ახალშენში მდინარის ადიდების შედეგად მოსახლეობა დაზარალდა

02 ოქტომბერი 2020, 14:41 4268 ნახვა

უხვმა ნალექმა პრობლემა შეუქმნა ახალშენში, ნიჟარაძის პირველი ჩიხის რამდენიმე მცხოვრებს. ადიდებულმა მდინარე ,,ტაშხანამ“ დამცავი ჯებირები მოანგრია, რის გამოც დაიტბორა 6 ოჯახის ეზო. განადგურებულია ნათესები.

ადგილობრივები ამბობენ, რომ ბათუმის შემოვლითი გზის მშენებლობის სამუშაოების მიმდინარეობის გამო, მშენებელმა კომპანიამ მდინარეზე მძიმე ტექნიკის გადასაადგილებლად დამატებითი ხიდი 2 თვის წინ ააშენა, რომელმაც მდინარის წყალი ვეღარ გაატარა, რამაც ტერიტორიის დატბორვა გამოიწვია.

საკითხთან დაკავშირებით საქართველოს საგზაო გზების დეპარტამენტს დავუკავშირდით, თუმცა კომენტარი ამ დრომდე არ გაკეთებულა.

აჭარის საზოგადოებრივი მაუწყებელი

ადმინისტრატორი