ლაშა ტალახაძე ევროპის საუკეთესო ძალოსნის ტიტულის მფლობელი გახდა

23 მაისი 2022, 11:00 1021 ნახვა

ლაშა ტალახაძე კონტინენტის უძლიერესი ძალოსანია.

ევროპის ძალოსნობის ფედერაციის მიერ ჩატარებული გამოკითხვის შედეგად, სადაც ხმის მიცემა ელექტრონულად მიმდინარეობდა კონტინენტის მოსახლეობამ საუკეთესოდ ლაშა ტალახაძე ცნო.

ხმათა უმრავლესობით მსოფლიოს მრავალგზის უძლიერესი ძალოსანი ევროპაშიც საუკეთესოდ დასახელდა.

ევროპის ფედერაციამ საუკეთესოთა გამოსავლენად გამოკითხვა პირველად ჩაატარა და ევროპის ჩემპიონატების 100 წლის იუბილეს დაამთხვია.

ლაშა ტალახაძეს ჯილდო ალბანეთში, ევროპის ჩემპიონატის გახსნის საიუბილეო ღონისძიებაზე გადაეცემა.

ლაშა ტალახაძემ 2021 წელს ოლიმპიური, მსოფლიოსა და ევროპის ჩემპიონატები მოიგო და რეკორდებიც დაამყარა, სწორედ ამიტომ გასაკვირი არცაა, რომ ის 2021 წლის საუკეთესოდ ძალოსნად აღიარეს.

გოგონათა შორის საუკეთესოდ რუმინელი ტომა ლორედანა აღიარეს.

სეო წილოსანი

სპორტული ჟურნალისტი